لاہور(مانیٹرنگ ڈیسک) معروف عالم دین علامہ راغب نعیمی نے کہا ہے کہ فوٹو سیشن کا نکاح دھوکہ دہی اور غیر اخلاقی ہے،نکاح پہلے سے ہوگیا تھا ۔ تفصیلات کے مطابق معروف عالم دین علامہ راغب نعیمی نے کہاہے کہ لوگوں کو دکھانے کے لئے نکاح کا فوٹو سیشن صرف ڈرامہ ہے،شرعی طور پر ایسے عمل کے ساتھ دھوکہ کیا گیا۔انہوں نے کہاکہ عمران خان اورریحام خان کے پہلے نکاح کوہی اصل نکاح تصویرکیاجائے ۔
واضح رہے کہ نکاح خوان مفتی سعید کا عمران خان اور ریحام خان کے نکاح پر نیا موقف سامنے آگیاہے جس میں انہوں نے کہاکہ ریحام خان کا نکان 7 محرم مطابق 31 اکتوبر 2014 کو ہوا تھا لیکن وہ 8 جنوری 2015 کو باقاعدہ ٹی وی پر یہ اعلان کر چکے تھے کہ عمران خان اور ریحام خان کا نکاح ابھی ہوا ہے اور انہوں نے عمران خان کی جانب سے یہ اعلان کیاتھا۔
