لاہور( این این آئی) چیئرمین تحریک انصاف عمران خان سے پی ٹی آئی کی اسلام آباد جلسے کیلئے انتظامی کمیٹی نے ایم پی اے شعیب صدیقی کی قیادت میں ملاقات کی ۔اس موقع پرگفتگو کرتے ہوئے عمران خان نے کہا کہ قومی سیاسی تاریخ میں کم ترین وقت میں تاریخی جلسے کیلئے بہترین انتظامات کرنے پر پی ٹی آئی کے کارکن مبارکباد کے مستحق ہیں جنہوں نے 10گھنٹے کے نوٹس
پر پریڈ گراؤنڈ میں سب سے بڑی تعداد کا جلسہ ترتیب دیا اور مثالی انتظامات کو یقینی بنایا ۔سیکرٹری جنرل تحریک انصاف جہانگیر خان ترین نے بھی پارٹی کمیٹی کو مبارکباد اور شاباش دیتے ہوئے اُن کی کارکردگی کو سراہا اور اسے بہترین ٹیم ورک کا نتیجہ قرار دیا پی ٹی آئی سنٹرل پنجاب کے صدر عبدالعلیم خان کی ہدایت پر لاہور سے گئی ہوئی اس ٹیم کی قیادت ایم پی اے شعیب صدیقی کر رہے تھے جنہوں نے اس حوالے سے گفتگو کرتے ہوئے کہا کہ دھرنوں ، لانگ مارچ اور لاک ڈاؤن کیلئے پی ٹی آئی نے سب سے زیادہ مواقع پر انتظامات کیے لیکن پریڈ گراؤنڈ اسلام آباد وقت کے لحاظ سے بہت بڑا چیلنج تھا جسے ٹیم کے تعاون احسن انداز میں پورا کیا گیا ملاقات کرنے والوں میں سہیل ظفر چیمہ ، لکی خان ،رانا ثاقب ،رانا ندیم اورمحمد ندیم شامل تھے ۔
