چشتیاں(این این آئی)چشتیاں کی نواحی کالونی نورپورہ میں شرارتی بیٹے کو چارپائی سے باندھنے کی سزا عمربھر کا روگ بن گئی والدہ ضروری کام کے لیے ہمسائے کے گھر گئی تو بیٹے نے ماچس سے نائلن کی رسی کو آگ لگا کر چھڑا لیا لیکن آگ سلگتی رہی کہ چار پائی پر موجود کپڑوں کو آگ لگ گئی جس کے نتیجہ میں آگ نے چارپائی پر سوئی ہوئی 7ماہ کی بچی کو اپنی لپیٹ میں لے لیا

اوروہ جل کر کوئلہ ہو گئی تفصیلات کے مطاب محنت کش شہزاد کے چار سالہ بیٹے عبداللہ کی شرارتوں نے ناک میں دم کر رکھا تھا چنانچہ عبداللہ کی والدہ ضروری کام کے لیے گھر سے باہر جاتے ہوئے اسے چار پائی سے باندھ کر چلی گئی لیکن محنت کش کا گھر انہ انہونے حادثہ سے دو چار ہو گیا آگ اور دھوئیں کو دیکھ کر عبداللہ کی والدہ گھر پہنچی تو اس کی 7ماہ کی بیٹی جل کر کوئلہ بن چکی تھی پولیس نے بچی کو ہلاکت کے افسوسناک واقعہ کو اتفاقیہ قرار دے دیا ہے۔