اسلام آباد(ایکسکلوژو رپورٹ) نجی ٹی وی پروگرام میں گفتگو کرتے ہوئے کپتان کی سابق اہلیہ ریحام خان نے عمران خان اور تحریک انصاف کو شدید تنقید کا نشانہ بناتے ہوئے کہا کہ پرویز خٹک جس طرح فیڈریشن کے خلاف بات کر رہا تھا اس پر ہمارے ہاں بہت غم و غصہ پایا جا رہا ہے۔ ہم پختونخوں کی اقدار غیرت پر مشتمل ہیں ۔ یہاں یہ ہو رہا ہے کہ جب آپ کو عوام کی ضرورت ہوتی ہے ، نمبرز کی ضرورت ہوتی ہے، تب آپ کو پختون عوام یاد آجاتی ہے۔ یہاں تو کوئی تک ہی نہیں بنتا کہ پختون کارڈ استعمال کیا جائے ۔ یہ بہت بڑی زیادتی ہے کہ جس وقت آپ کو ضروت ہو تو آپ کو پختون یاد آجائیں اور جب ضرورت نہ ہو تو آپ انہیں بھلا بیٹھیں۔ نجی ٹی وی پروگرام میں گفتگو کرتے ہوئے ریحام خان نے کہا کہ مجھے بتائیں کہ راتوں رات ایسا کیا ہوا ، کونسا الہام ہوا، کونسی ایسی تبدیلی آئی کہ آپ نے دھرنا موخر کرنے کا سوچ لیا؟ ریحام خان نے کہا کہ جس طرح سے تحریک انصاف حکومت پختونخواہ کا حشر کر رہی ہے ، تحریک انصاف کو اپنی بربادی کیلئے اور کسی کی ضرورت نہیں ہوگی۔

موضوعات:2 نومبر دھرنا پرویز خٹک ریحام خان عمران خان