اسلام آباد(آئی این پی) قربت کے بجائے دوریاں پیدا ، پاکستان تحریک انصاف کے (آج) بدھ کو پریڈ گراؤنڈ میں ہونے والے یوم تشکرکے جلسے میں پاکستان مسلم لیگ (ق)اور پاکستان عوامی تحریک کے کارکن شرکت نہیں کریں گے۔تفصیلات کے مطابق پی ٹی آئی چیئر مین عمران خان کی جانب سے (آج) اسلام آباد میں دھرنا دینے کی بجائے یوم تشکر منانے کیلئے اسلام آباد کے پریڈ گراؤنڈ میں جلسے کے اعلان سے قبل اتحادی پاکستان مسلم لیگ (ق)اور پاکستان عوامی تحریک کو اعتماد میں نہ
لینے سے دونوں جماعتوں نے جلسے میں شرکت نہ کرنے کا فیصلہ کیا ہے، مسلم لیگ (ق) پنجاب کے صدر پرویز الہی نے میڈیا سے گفتگو کر تے ہوئے کہا کہ عمران خان نے دھر نہ نہ دینے کے اعلان سے پہلے ہمیں اعتماد میں نہیں لیا،مسلم لیگ (ق) کے ذرائع کے مطابق پارٹی کی سنیئر قیادت نے کارکنوں کو (آج)تحریک انصاف کے ہونے والے جلسے میں شرکت کر نے سے روک دیا ہے۔دوسری جانب ذرائع کے مطابق پاکستان عوامی تحریک کے سربراہ ڈاکڑ طاہرالقادری نے پارٹی کے سیکر ٹری جنرل خرم نواز گنڈا پور کو ہدایت کی ہے کہ وہ کارکنوں کو ہدایت کریں کو وہ پاکستان تحریک انصاف کے پروگرام میں شرکت نہ کریں۔
ڈاکٹرطاہر القادری نے نجی ٹی وی سے گفتگو کرتے ہوئے کہا ہے کہ ہم تحریک انصاف کا دھرنا ہوتا تو اس میں لازمی شرکت کرتے مگر تحریک انصاف کے آج ہونے والے جلسے میں شرکت نہیں کرینگے ۔تحر یک انصاف کی دھر نہ اتحادی (ق) لیگ ‘عوامی تحر یک ‘مجلس وحدت مسلمین اور سنی اتحاد کونسل کا دھر نہ موخر کر نے پر عدم مشاورت پر شدید اظہار ناراضگی ‘آئندہ تحر یک انصاف سے کسی قسم کے رابطوں سے بھی گر یزکر نے کو تر جیح دینے کا فیصلہ کر لیا ۔ذرائع کے مطابق تحر یک انصاف کے چےئر مین عمران خان سمیت تحر یک انصاف کے کسی مر کزی وصوبائی عہدیدار نے (ق) لیگ کے صدر چوہدری شجاعت حسین ‘چوہدری پرویزالٰہی ‘عوامی تحر یک کے سر براہ ڈاکٹر طاہر القادری اور خرم نواز گنڈا پور اور سنی اتحاد کونسل کے صاحبزادہ حامد ضا قادری اور مجلس وحدت مسلمین کی قیادت سے احتجاجی دھر نے کو موخر کر نے کے حوالے سے کوئی مشاورت نہیں کی جسکی وجہ سے مذکورہ اپوزیشن جماعتوں نے تحر یک انصاف کے رویہ پر شدید ناراضگی کا اظہا ر کیا ہے اور اس حوالے سے تحر یک انصاف کو بھی آگاہ کر دیا ہے ۔
