اسلام آباد (این این آئی) پاکستان پیپلز پارٹی کے رہنما سابق وزیر داخلہ رحمن ملک نے کہا ہے کہ حکومت اور پی ٹی آئی کے درمیان بیک ڈرو ملاقاتوں کا سلسلہ جاری تھا ٗخوشی ہے دونوں پارٹیوں کے مذاکرات کامیاب رہے۔ ایک بیان میں انہوں نے کہاکہ پلی بارگیننگ نے دہرنے کو دہرا رہنے دیا اور تشکر میں تبدیل کیا ٗبہت پہلے کہہ چکا تھا کہ پی ٹی آئی اور
حکومت کے رابطے اور بیک چینل ملاقاتیں ہو رہی ہیں اور دھرنے سے پہلے پلی بارگئین کامیاب ہوگا۔ رحمن ملک نے کہاکہ پی ٹی آئی کے کچھ رہنماؤں نے لاعلمی میں میرے بیان کی تردید کر دی تھی حالانکہ بیک ڈور ملاقاتوں کا سلسلہ جاری تھا اور تفصیلات موجود ہیں۔رحمن ملک نے کہاکہ شاید بیک ڈور پلی بارگئینگ کو کچھ لیڈروں سے مخفی رکھا گیا تھا۔سیاست میں ڈائیلاگ اور مفاہمت کے دروازے کھلے رہتے ہیں انہوں نے کہاکہ خوشی ہے کہ دونوں پارٹیوں کے مذاکرات کامیاب رہے۔رحمن ملک نے کہاکہ موجودہ صورتحال میں پی پی پی کا کردار بہت اچھا اور مثالی رہا انہوںے کہاکہ حکومت بلاول بھٹو زرداری کے 4 نکات کو فوری نافذالعمل کر دیں۔

موضوعات:پیپلزپارٹی حکومت وزیر داخلہ