کراچی (مانیٹرنگ ڈیسک) سند ھ کے صوبائی وزیر منظور حسین وسان نے نومبر کے ابتدائی دو دنوں کو سیاسی اعتبار سے انتہائی اہم قرار دے دیا ہے، پیشگوئی کرتے ہوئے کہا کے بڑی عید میں تین دن تک قربانی ہوتی ہے ابھی تو ایک قربانی ہوئی ہے اور دو کا انتظار ہے ۔تفصیلات کے مطابق کراچی میں صوبائی وزیر منظور حسین وسان سے چینی وفد اور شادی ہال ایسوسی ایشن کے نمائندگان نے الگ الگ ملاقاتیں کیں۔
ملاقاتوں کے بعد اسلام آباد دھرنے کے حوالے سے منظور حسین وسسان نے پیشگوئی کرتے ہوئے کہا کہ خواب قربانی کا ہی دیکھا تھا اب دو قربانیوں کا انتظار ہے۔منظور حسین وسان نے کہا کہ پیپلز پارٹی دو نومبر کے دھرنے میں شرکت نہیں کرے گی۔ ان کا کہنا تھا کہ چودھری نثار وزیر اعظم نہیں ہو سکتے احسن اقبال جانے والے وزیر اعظم کو ریپلیس کرسکتے ہیں لیکن آستین کے سانپ وزیر اعظم نہیں بن سکتے۔صوبائی وزیر منظور حسین وسان نے مزید کہا کے ڈان لیکس سے جان چھڑانا آسان ہے وزیر اعظم کو ڈان لیکس پر فیصلہ نہیں کرنا تھا لیکن قربانی تو دینی تھی وہ انہوں نے دے دی ہے ۔انہوں نے کہاکہ میرے خواب پہلے بھی سچ ثابت ہوئے ہیں اوراب اس خواب کی تابیرسامنے آجائے گی ۔
