اسلا م آباد(مانیٹرنگ ڈیسک)پاکستان مسلم لیگ (ن) کے سینیٹر نہال ہاشمی کے گھر سےڈاکولاکھوں مالیت کی نقدی لوٹ کر فرار ہوگئے۔ایک نجی ٹی وی کے مطابق کراچی کے علاقے ملیرمیں دن کے وقت 4ڈاکوئوں نے ن لیگی سینیٹرنہال ہاشمی کے گھرکابڑی دلیری سے صفایاکردیاڈاکوئوں کی اس واردات کے بعد سینیٹرنہال ہاشمی نے ایک نجی ٹی وی سے گفتگوکرتے ہوئے اس بات کی تصدیق کی کہ ان کے گھرڈکیتی ہوئی ہے ۔انہوں نے بتایاکہ میں اس وقت وفاقی دارلحکومت اسلام آبادمیں ہوں اوریہاں پرمجھے اس واردات کی اطلاع کی گئی ۔انہوں نے بتایاکہ ڈاکوئوں نے جس وقت ڈکیتی کی واردات کی گھرپرصرف خواتین تھیں جن کوڈاکوئوں نے اسلحہ کی نوک پریرغمال بناکرایک ہزارپائونڈاوردیگرقیمتی سامان لوٹااورفرارہوگئے ۔انہوں نے مزید بتایاکہ دوڈاکومیرے گھرکے اندرڈکیتی کرتے رہے جبکہ ان کے دوساتھی میرے گھرکے باہراپنے ساتھیوں کے لئے پہرہ دیتے رہے جس کی وجہ سے ڈاکوباآسانی فرارہوگئے ۔

موضوعات:ڈکیتی غیرملکی کرنسی نہال ہاشمی