باکو (آئی این پی) وزیر اعظم میاں محمد نواز شریف نے کہا ہے کہ گیس کی قیمتوں میں اضافے کی تجویز آئی ہے جسے منظور نہیں کرونگا‘ سی پیک پر ترقی کی رفتار میں سستی کا تاثر درست نہیں ‘ بھارت مسئلہ کشمیر پر اگر مخلص ہے تو ہم مذاکرات کیلئے تیار ہیں ‘ عمران خان اسلام آباد بند کرنا چاہتے ہیں جبکہ ہم اسلام آباد کھلا رکھنا چاہتے ہیں ۔ ہفتہ کو وزیر اعظم نوا زشریف پاکستان سے آئے صحافیوں سے ناشتے کے وقت گفتگو کر رہے تھے۔ انہوں نے کہاکہ گیس کی قیمتوں میں اضافے کی تجویز آئی ہے اسے منظور نہیں کرونگا۔ سی پیک پر کام کی رفتار پر چین نے بھی اطمینان کا اظہار کیاہے اور سی پیک پر ترقی کی رفتار میں سستی کا تاثر درست نہیں ۔ وزیر اعظم نے کہا کہ پاک چین اقتصادی راہداری پر ترقیاتی کام تیزی سے جاری ہے۔ بھارت مسئلہ کشمیر پر مخلص ہے تو مذاکرات کیلئے تیار ہیں۔ وزیر اعظم نواز شریف نے کہا کہ عمران خان اسلام آباد کو بند کرنا چاہتے ہیں جبکہ ہم کھلا رکھنا چاہتے ہیں۔ انہوں نے واضح کیا کہ اسلام آباد کھلا رہے گا۔وزیراعظم نواز شریف نے کہا کہ ملک میں دہشت گردوں کی کمرتوڑ دی ہے،بھارت مسئلہ کشمیر پر اگر مخلص ہے تو ہم مذاکرات کیلئے تیار ہیں ‘ عمران خان اسلام آباد بند جبکہ ہم کھلا رکھنا چاہتے ہیں، سی پیک پر ترقی کی رفتار میں سستی کا تاثر درست نہیں، ملک میں دہشت گردوں کی کمرتوڑ دی ، اقتصادی صورتحال میں بہتری آئی ،کراچی کے حالات میں بہتری آرہی ہے ، توانائی بحران پر2018میں قابو پالیں گے، سسٹم میں 10میگاواٹ بجلی آنے سے توانائی بحران ختم کرنے میں مدد ملے گی، ملک کی اقتصادی صورتحال میں بہتری آئی ہے اور کراچی کے حالات میں بھی بہتری آرہی ہے، کراچی میں بھی گرین لائن بس سروس کاآغاز کیا جارہا ہے۔ وزیراعظم نے کہا کہ توانائی بحران پر2018میں حل کردیں گے، سسٹم میں 10میگاواٹ بجلی آنے سے نہ صرف توانائی بحران ختم کرنے میں مدد ملے گی بلکہ بجلی کی قیمتیں بھی مسلسل کم کی جارہی ہیں، رواں سال داسوپاور پراجیکٹ پر بھی کام شروع کررہے ہیں جب کہ دیامر اور بھاشاڈیم کے لیے 105 ارب روپے کی زمین خریدی ہے۔ انہوں نے کہا کہ ان کے پاس گیس کی قیمتوں میں اضافے کی تجویز آئی ہے لیکن وہ اسے منظور نہیں کریں گے۔ ۔‎