اسلام آباد(مانیٹرنگ ڈیسک) ہندوئوں کا مذہبی تہوار ’’رام لیلا ‘‘ان کیلئے نہایت اہمیت کا حامل ہے جسے وہ بڑے جوش اور جذبے کے ساتھ مناتے ہیں تاہم اس بار پاکستان کی ہندو برادری محرم الحرام کے احترام میں اس بار رام لیلا کا مذہبی تہوار سادگی سے منائے گی تفصیلات کے مطابق محرم الحرام کے موقع پر پاکستان ہندو برادری کی جانب سے مذہبی تہوار رام لیلا سادگی سے منانے کا فیصلہ کیا گیا ہے۔پاکستان ہندو کونسل کے سرپرست اعلی ڈاکٹر رمیش کمار کا کہنا ہے کہ تمام ہندو برادری محرم الحرام کے موقع پر مذہبی تہوار رام لیلا نہایت سادگی سے منائے گی۔ان کا کہنا تھا کہ ہندو برادری کے تہوار رام لیلا کی تقریبات کے موقع پر لاؤڈ اسپیکر کا استعمال بھی نہیں کیا جائے گا۔ سرپرست اعلی پاکستان ہندو کونسل ڈاکٹر رمیش کمار کا کہنا تھا کہ رام لیلا کے موقع ہندو برادری روزے رکھنے کے ساتھ پوجا کا اہتمام کرتی ہے۔