اسلام آباد( مانیٹرنگ ڈیسک ) شاہوں کے انداز ہمیشہ سے نرالے ہی ہوتے آئے ہیں، بات بے بات ہزاروں لاکھوں ، کروڑوں تک بس یونہی لٹا دیتے ہیں مگر جب پیسہ قوم کے خون پسینےکی کمائی کا ہو تو دل ضرور دکھتا ہے ۔ ایسا ہی ایک کام پاکستان کے سابق صدرجناب آصف علی زرداری کے ہاتھوں بھی انجام پزیر ہوا جب صدر مملکت آصف زرداری نے اپنے بیرونی ملک دورے میں 61لاکھ روپے ویٹرز کو ادا کئے جن کا ریکارڈ اب سامنے آگیا ہے رپورٹ کے مطابق صدر آصف علی زرداری نے دورہ چین کے دوران ویٹرز ، سکیورٹی سٹاف کو 26 لاکھ ادا کئے۔ اس طرح دوسرا دورہ چین میں ہوٹل میں خدمت کرنے والے ڈرائیور اور ویٹرز کو ساڑھے 9 لاکھ ادا کردیئے. اپنے دورہ ترکی ، نائیجیریا اور سعودی عرب کے دوران سروس سٹاف کو 20 لاکھ روپے ادا کئے تھے جبکہ اپنے آخری دورہ سعودی عرب کے دوران ڈرائیور ، ویٹرز ،ہاؤس اور سکیورٹی سٹاف کو 5 لاکھ روپے ادا کئے۔ رپورٹ کے مطابق صدر ہاؤس کے میڈیکل ڈسپنسری پر دس لاکھ روپے خرچ آیا ہے جبکہ صدر ہاؤس کے باغ کی آرائش پر تیس لاکھ روپے خرچ کردیئے گئے ۔