پشاور(این این آئی)کشمیر میں بھارتی جارحیت کے خلاف پشاور کی ہندو برادری نے پریس کلب کے باہر احتجاجی مظاہرہ کیا۔ اور انڈیا اور مودی کے خلاف نعرہ بازی کی۔ کشمیر میں کشمیریوں پر بھارتی مظالم کے خلاف پشاور کی ہندوبرادری نے پریس کلب کے باہر احتجاجی مظاہرہ کیا۔ مظاہرین نے ہاتھوں میں بینرز اور پلے کارڈز اْٹھا رکھے جن پر مودی اور انڈیا کے خلاف نعرے درج تھے۔ مظاہرین کا کہنا تھا کہ انڈیا نے اگر جنگ میں پہل کی تو پاک فوج کے ساتھ شانہ بشانہ لڑیں گے اور ملک عزیز کے لیے ہر قسم کی قربانی دینے کے لیے تیار ہیں۔ اْن کا کہنا تھا کہ ہندو برادری کشمیریوں پر مظالم کے خلاف ہے اور بھارت کا ٹوپی ڈرامہ بری طرح فلاپ ہو چکا ہے ۔

موضوعات:ہندو