پیر‬‮ ، 17 جون‬‮ 2024 

’’ عوام ہوشیارباش ‘‘ بڑی پابند لگ گئی

datetime 8  اکتوبر‬‮  2016
ہمارا واٹس ایپ چینل جوائن کریں

اسلام آباد (مانیٹرنگ ڈیسک ) ترجمان سندھ پولیس کے مطابق آئی جی سندھ اے ڈی خواجہ نے پولیس کو ہدایات جاری کی ہیں کہ گذشتہ شب ڈسٹرکٹ ایسٹ میں فائرنگ کے واقعہ کو پیش نظر رکھ کر اشد ضروری ہے کہ ڈسٹرکٹ سیکیورٹی پلان کا جائزہ لیا جائے ۔انہوں نے کہا کہ موٹرسائیکل کی ڈبل سواری پر عائد پابندی پر عمل درآمد انتہائی سختی سے کرایا جائے جبکہ تمام مساجد ،امام بارگاہوں اور مجالس کے مقامات کے اطراف پولیس گشت کو مزید مؤثر بنایا جائے ۔آئی جی سندھ نے کہا کہ تمام ایس ایس پیز و ایس ایچ اوز شام چھ بجے کے بعد باوردی درست اپنے اپنے علاقوں میں موجودگی کو یقینی بنائیں۔
دوسری جانب یپلز پارٹی کوآرڈینیشن کمیٹی سندھ کے سربراہ اورسینئر وزیر نثاراحمد کھوڑو نے کہا ہے کہ سیاست میں مائنس ون فارمولا نہیں چلے گااورپیپلز پارٹی مائنس ون فارمولے کو نہیں مانتی،کسی کو بھی مسترد کرنے اور قبول کرنے کا حق صرف عوام کا ہی ہے ۔مائنس ون کی باتیں کرنے والے عمران خان سے پوچھا جائے کہ کہیں اپنی پارٹی والے انھیں ہی اپنی پارٹی سے نہ نکال دیں ۔ان خیالات کا اظہار انھوں نے ہفتہ کو سندھ اسمبلی میں واقع اپنے دفتر میں پرہجوم پریس کانفرنس کرتے ہوئے کیا اس موقع پر اورنگی ٹاؤن کے سابق ناظم اظہار الحق کی سربراہی میں 800کارکنان سمیت اے این پی کے محمد یوسف نے بھی اپنے ساتھیوں سمیت پیپلز پارٹی میں شمولیت کا اعلان کیا۔نثاراحمد کھوڑو نے انھیں پارٹی میں شمولیت پر خیر مقدم کرتے ہوئے کہا کہ بلاول بھٹو زرداری کی قیادت میں پیپلز پارٹی نئے عزم اورحوصلے کے ساتھ آگے بڑھ رہی ہے اور پارٹی میں ناراض کارکنان کو بھی ساتھ لے کر چلیں گے اورپارٹی کی ازسرنو تنظیم سازی کا بھی یہی مقصد تھا ۔انہوں نے کہا کہ کراچی مسلح ونگیں رکھنے والی سیاست اس ملک میں نہیں چلیں گی۔ کراچی سیاست انتہاپسندی اور عسکریت کے بغیر ہونی چاہئے۔ انہوں نے کہا کہ تاریخ میں پہلی بار پارٹی کی تنظیموں کو تحلیل کیا گیا۔نئی تنظیم سازی کا مقصد یہ تھا کہ تمام ناراض کارکنان کو بھی دوبارہ پارٹی کی سرگرمیوں میں شامل کیاجاسکے۔ اظہارالحق اور یوسف خان کی قیادت میں شامل ہونے والے پارٹی کی مضبوطی کیلئے جدوجہد کرینگے۔ ایک سوال کے جواب میں انھوں نے کہا کہ پیپلز پارٹی کا خواب لبر ل پاکستان ہی ہے اور پاکستان کامستقبل صرف جمہوریت میں ہی ہے اور جمہوریت کے علاوہ ملک کا کوئی اور دائمی حل نہیں ہے ۔نثار کھوڑو نے کہا کہ جمہوریت کے خلاف باتیں کرنے والے آمر پرویز مشرف اب سیاستدان بننے کی تو کوشش کررہے ہیں مگر وہ ایک کونسل بھی نہیں جتواسکتے ،ایسے لوگوں کی عوام کے سامنے کوئی حیثیت نہیں کیونکہ ملک کا اصل حاکم عوام ہی ہے اور عوام کے علاوہ کوئی حاکم نہیں ہوسکتا۔انھوں نے کہا کہ جمہوریت کے خلاف باتیں کرنے والے آمر مشرف کو ملک سے باہر جانے کی اجازت دینے کی ذمہ دار ن لیگ کی حکومت ہی ہے جس کی قیادت ماضی میں اسی آمر مشر ف کے ساتھ دس سال کا معافی نامہ کرکے ملک سے باہر گئی اور نواز شریف کو ملک میں واپس لانے والی پیپلز پارٹی اور شہید بینظیر بھٹو ہی تھی ۔انھوں نے کہا کہ ملک میں عسکریت اور انتہا پسندی کی سیاست نہیں چلے گی اسلیئے سیاست عسکریت اور انتہا پسندی کے بغیر ہونی چائیے اور سب کو پاکستان کے قومی دھارا میں شامل ہونا چائیے ۔نثار کھوڑونے کہا کہ پیپلز پارٹی نے امن وامان کی بحالی کے لیے بلا تفریق کاروائی کی حمایت کی تھی او ر کراچی میں بلا تفریق کاروائی کی وجہ سے امن بحال ہواہے اور لوگوں کی نظریں اب سندھ میں سرمایہ کاری پر ہیں ۔انھوں نے کہا کہ کراچی پاکستان کا گیٹ وے ہے اور پیپلز پارٹی شہر کی ترقی کے لیے بہت کچھ کر رہی ہے۔انھوں نے کہا کہ الطاف حسین کی تقریر کے خلاف سندھ اسمبلی نے قرارداد منظور کرکے کاروائی کے لیے وفاق کو سفارش کی مگر وفاقی حکومت نے ابھی تک اس کے متعلق کوئی جواب نہیں دیا ہے ۔نثار کھوڑونے کہا کہ سانحہ 18اکتوبر کے شہداء کی یاد میں کارساز کے مقام تک 16اکتوبر کو بلاول بھٹو کی قیادت میں ریلی کے انتظامات مکمل کرلیے گئے ہیں اور یہ ریلی کراچی کی سطح پر ہوگی جس میں کتنے لوگ شریک ہونگے اس دن سب کو پتا چل جائے گا۔

موضوعات:



کالم



صدقہ‘ عاجزی اور رحم


عطاء اللہ شاہ بخاریؒ برصغیر پاک و ہند کے نامور…

شرطوں کی نذر ہوتے بچے

شاہ محمد کی عمر صرف گیارہ سال تھی‘ وہ کراچی کے…

یونیورسٹیوں کی کیا ضرروت ہے؟

پورڈو (Purdue) امریکی ریاست انڈیانا کا چھوٹا سا قصبہ…

کھوپڑیوں کے مینار

1750ء تک فرانس میں صنعت کاروں‘ تاجروں اور بیوپاریوں…

سنگ دِل محبوب

بابر اعوان ملک کے نام ور وکیل‘ سیاست دان اور…

ہم بھی

پہلے دن بجلی بند ہو گئی‘ نیشنل گرڈ ٹرپ کر گیا…

صرف ایک زبان سے

میرے پاس چند دن قبل جرمنی سے ایک صاحب تشریف لائے‘…

آل مجاہد کالونی

یہ آج سے چھ سال پرانی بات ہے‘ میرے ایک دوست کسی…

ٹینگ ٹانگ

مجھے چند دن قبل کسی دوست نے لاہور کے ایک پاگل…

ایک نئی طرز کا فراڈ

عرفان صاحب میرے پرانے دوست ہیں‘ یہ کراچی میں…

فرح گوگی بھی لے لیں

میں آپ کو ایک مثال دیتا ہوں‘ فرض کریں آپ ایک بڑے…