ڈیرہ اسماعیل خان(مانیٹرنگ ڈیسک)حساس اداروں کی بڑی کارروائی ، ایسادہشت گرد گرفتار جان کر آپ کو بھی خوشی ہو گی ,ڈیرہ اسماعیل خان سے کالعدم تحریک طالبان کا اہم کمانڈرسعید رفیق قانون کے شکنجہ میں آگیا،حکومت کی جانب سے مطلوب دہشت گردکے سر کی قیمت10لاکھ مقرر کی گئی تھی۔محکمہ انسداد دہشت گردی(سی ٹی ڈی) کے ذرائع کے مطابق قانون نافذ کرنیوالے اداروں کی جانب سے خفیہ اطلاعات پر کارروائی کرتے ہوئے سی ٹی ڈی نے ڈیرہ اسماعیل خان میں پہاڑپور کے مقام پر دہشت گرد سعید رفیق کو گرفتار کرلیا ،ملزم بنوں کا رہائشی ہے اور اس کا تعلق کالعدم تنظیم تحریک طالبان سے ہے جس کے سر کی قیمت 10لاکھ مقرر کی گئی تھی ۔ذرائع کے مطابق دہشت گرد سعید رفیق پاک افواج ، پولیس ، رینجرز سمیت قانون نافذ کرنیوالے اداروں پر حملوں سمیت دہشت گردی کی سنگین وارداتوں میں ملوث ہے ۔پولیس ذرائع کا کہنا ہے کہ ملزم کو تفتیش کیلئے نامعلوم مقام پر منتقل کردیا گیا ہے اور مزید انکشافات کی توقع ہے.
یاد رہے کہ اس سے قبل حساس اداروں کے مشترکہ آپریشن میں جڑواں شہروں کے مختلف علاقوں میں پولیس اور رینجرز نے مشترکہ آپریشن کر کے افغان باشندوں سمیت مشکوک افراد کو گرفتار کر لیا جبکہ وزارت داخلہ نے آئی جی اسلام آباد کو عید کے موقع پر سکیورٹی ہائی الرٹ رکھنے کے احکامات جاری کر دیئے ہیں۔ تفصیلات کے مطابق ہفتہ کو اسلام آباد و راولپنڈی کے متعدد علاقوں میں عید کے مواقع پر دہشتگردی اور کسی ناخوش گوار واقع سے بچنے کے لئے تھانہ سبزی منڈی ، تھانہ گولڑہ، پیر ودھائی میں پولیس ار رینجرز کے اہلکاروں نے مشترکہ سرچ آپریشن کیا۔سرچ اپریشن کید وران سکیورٹی فورسز نے نے15افغان باشندوں سمیت 18مشکوک افراد کو گرفتار کر لیا۔ گرفتار مشتبہ افراد کو مختلف تھانوں میں منتقل کر کے تفتیش شروع کر دی ہے۔ جبکہ وزارت داخلہ نے آئی جی اسلام آباد طارق مسعود یاسین کو عید کے موقع پر عید گاہوں ، امام بارگاہوں اور تفریحی مقامات پر سکیورٹی سخت رکھنے کی ہدایت جاری کر دی ہے اور نادرا حکام کو سیف سٹی منصوبے کے تحت لگنے والے کیمروں سے نگرانی کی ہدایت کی ہے