اسلام آباد(این این آئی)وزیرِداخلہ چوہدری نثار علی خان بنی گالہ اسلام آباد میں چیئرمین متروکہ املاک صدیق الفاروق کی رہائش گاہ گئے اور ان سے انکے جواں سالہ بیٹے کی وفات پرتعزیت کی۔غم زدہ والدکیساتھ گہرے دکھ اور رنج کا اظہار کرتے ہوئے وزیرِداخلہ نے کہا کہ اولاد کا غم والدین کے لئے بہت بڑی آزمائش ہے۔جواں سالہ بچے کی موت یقیناًایک ناقابلِ تلافی نقصان ہے۔ انہوں نے اللہ تعالیٰ سے دعا کی کہ وہ مرحوم کو جنت الفردوس میں جگہ عطا فرمائے اور غم زدہ خاندان کو صبر اور حوصلہ عطا فرمائے۔
آج کی سب سے زیادہ پڑھی جانے والی خبریں
