اسلام آباد (مانیٹرنگ ڈیسک) اسلام آباد، پشاور، گلگت بلتستان میں4.5شدت زلزلے کے جھٹکے محسوس کیے گئے، زلزلے کا مرکز افغانستان میں کوں ہندوکش کے پہاڑی علاقے میں 169کلو میٹر کی گہرائی میں تھا، تفصیلات کے مطابق بدھ کے روز اسلام آباد، سوات، پشاور، مالاکنڈ، مینگورہ، گلگت بلتستان سمیت دیگر علاقوں میں زلزلے کے جھٹکے محسوس کیے گئے، زلزلے کے باعث لوگوں میں خوف حراس پیدا ہو گیا اور اپنے گھروں سے باہر نکل آئے اور کلمہ طیبہ کا ورد شروع کر دیا، زلزلے پیما مرکز کے مطابق زلزلے کی شدت4.5ریکارڈ کی گی اور زلزلے کا مرکز افغانستان میں کوں ہندو کش کا پہاڑی علاقہ تھا جس کی گہرائی 169کلو میٹر کی گہرائی میں تھا۔
یاد رہے کہ اس سے قبل یکم اکتوبر کو اسلام آباد سمیت ملک کے دیگر علاقوں میں زلزلے کے شدید جھٹکے محسوس کئے گئے زلزلے کا مرکز شمالی علاقہ جات میں پٹن کا مقام تھا زلزلے کی زمین میں گہرائی 9 کلومیٹر اور شدت ریکٹر سکیل پر 5.5 ریکارڈ کی گئی ۔تفصیلات کے مطابق ہفتہ کو پاکستان کے متعدد علاقوں میں اسلام آباد ، پشاور ، سوات ، بٹگرام ، منگورہ ، نوشہرہ ، مظفر آباد ، نیلم ، گلگت ، سکردو ، غذر اور چلاس میں زلزلے کے شدید جھٹکے محسوس کئے گئے زلزلے کے باعث لوگ اپنے گھروں ، دفاتروں ، تجارتی مراکز سے باہر آ گئے اور کلمہ طیبہ اور استغفار کا ور کرتے رہے زلزلہ پیمان مرکز کے مطابق زلزلے کی ریکٹر سکیل پر شدت 5.5 ریکارڈ کی گئی اور زلزلے کا مرکز شمالی علاقہ جات کا مقام پٹن تھا زلزلے کی زمین میں گہرئای 9 کلومیٹر تھی زلزلے کے باعث کسی قسم کے جانی اور مالی نقصان کی کوئی اطلاع معصول نہیں ہوئی ۔واضح رہے کہ اس سے قبل کچھ دیر قبل ناران اور گردونواح میں 3.3شدت کے زلزلے کے جھٹکے محسوس کئے گئے جس سے لوگوں میں خوف و ہراس پھیل گیا،لوگ کلمہ طیبہ کا ورد کرتے ہوئے گھروں سے باہر نکل آئے ۔
خیبر پختونخوا کی وادی ناران اور گردنواح میں 3.3شدت زلزلے کے جھٹکے محسوس کئے گئے جس سے لوگوں میں خوف و ہراس پھیل گیا اورلوگ کلمہ طیبہ کا ورد کرتے ہوئے گھروں سے باہر نکل آئے۔زلزلہ پیما مرکز کے مطابق زلزلے کی گہرائی 12کلو میٹر زیر زمین ریکارڈ کی گئی تاہم زلزلے کے باعث کسی قسم کے جانی یا مالی نقصان کی اطلاع نہیں ملی۔
