نتھیاگلی (مانیٹرنگ ڈیسک) وزیراعظم نوازشریف کی طرف سے بلائے گئے اجلاس میں پاکستان تحریک انصاف کے سربراہ عمران خان نے شرکت نہیں کی بلکہ پارٹی کے وائس چیرمین شاہ محمودقریشی نے جماعت کی نمائندگی کی ۔ذرائع کے مطابق عمران خان نے کشمیرایشواور ایل اوسی پر بھارتی جارحیت پر اسلام آباد میں جاری پارلیمانی اجلاس میں شرکت کی بجائے دوستوں سے گپ شپ کرتے رہے اورپارلیمانی جماعتوں کے اجلاس میں دشمن کو قومی یکجہتی کا پیغام دینے کیلئے شاہ محمود قریشی کو بھیج دیالیکن عمران خان نے اس دوران نتھیاگلی میں مصروف ترین دن گزارا۔عمران خان سے سابق کرکٹرذاکر خان،وسیم اکرم کی اہلیہ شکیرا اورگلوکار سلمان نے ملاقات کی۔عمران خان کے کل جماعتی اجلاس میں شرکت پرغیرجابندارحلقوں نے پریشانی کااظہارکیاہے کہ عمران خا ن کیوں نہیں اتنے اہم ترین معاملے کےلئے خود گئے اوربعض حلقوں نے عمران خان کے اس عمل کوغیرسنجیدہ عمل قراردیاہے ۔