لاہور( این این آئی)پی ٹی آئی کی قیادت نے محرم الحرام کے بعد احتجاجی پروگرام کے حوالے سے تجاویز طلب کرنے کا فیصلہ کیا ہے ، آئندہ چند روز میں رہنماؤں کو موثر احتجاج کے حوالے سے تجاویز سے آگاہ کرنے کیلئے باضابطہ ہدایات جاری کی جائیں گی ۔ ذرائع کے مطابق پی ٹی آئی کی قیادت نے محرم الحرام کے بعداحتساب تحریک کو موثر بنانے کے سلسلہ میں منصوبہ بندی شروع کر دی ہے ۔اسی سلسلہ میں یہ فیصلہ کیا گیا ہے کہ تمام رہنماؤں سے احتجاج کو موثر اور کامیاب بنانے کے لئے تجاویز طلب کی جائیں گی جس کے بعد انہیں پارٹی کے اعلیٰ سطحی اجلاس میں زیر بحث لایا جائے گا ۔ ذرائع کے مطابق پی ٹی آئی کی قیادت نے آئندہ کے احتجاجی پروگرام کیلئے بھاری اخراجات کے پیش نظر پارٹی فنڈز اکٹھا کرنے کے لئے رہنماؤں کو پیشگی ذمہ داریاں سونپنے کا بھی فیصلہ کیا ہے ۔

موضوعات:پیپلز پارٹی محرم الحرام