اسلام آباد (این این آئی)ترجمان وزارت داخلہ نے کہا ہے کہ جائے وقوعہ سے ملنے والے شواہد کی بنیاد پر نادرا ڈیٹا کے ذریعے مہمند ایجنسی کے دھماکے کے مشتبہ شخص کی شناخت کر لی گئی ہے ٗ ترجمان وزارت داخلہ نے بتایا کہ ابھی یہ کہنا قبل از وقت ہے کہ مشتبہ شخص دھماکے میں ملوث تھا اس سلسلے میں سیکیورٹی اداروں کی جانب سے مزید تفتیش جاری ہے۔واضح رہے کہ مہمند ایجنسی کی تحصیل انبار میں نماز جمعہ کے دوران خود کش دھماکے کے نتیجے میں 36 نمازی شہید اور متعدد زخمی ہوگئے تھے۔

موضوعات:ترجمان وزارت داخلہ