اسلام آباد (مانیٹرنگ ڈیسک) عدالت نے سابق صدر جنرل ریٹائرڈ پرویز مشرف کے خلاف لال مسجد آپریشن کے متعلق جاری مقدمے کی کارروائی کے دوران پرویز مشرف کی تمام جائیداد قرق کرنے کا حکم جاری کر دیا ہے۔
تفصیلات کے مطابق وفاقی دارالحکومت کی سیشن کورٹ نے مقدمے کی سماعت کے دوران پیش نہ ہونے کی وجہ سے پرویز مشرف کو اشتہاری قرار دیتے ہوئے ان کی تمام جائیداد کو قرق کرنے کا حکم جاری کر دیا۔ جبکہ دہرے قتل کے مقدمے کی سماعت کو آئندہ پیشی تک ملتوی کر دیا گیا ۔ واضح رہے کہ اس سے قبل غداری کیس میں بھی پیشی سے غیر حاضری کی بنا پر پرویز مشرف کی جائیداد کو قرق کرنے کا حکم جاری کیا جا چکا ہے۔

موضوعات:جائیداد قرق لال مسجد کیس مشرف