کراچی (این این آئی) کراچی کے مختلف علاقوں میں ایم کیو ایم کے دفاتر کو مسمار کرنے کا سلسلہ تاحال جاری ہے تاہم ایم کیوایم پاکستان نے شہر میں ایک بار پھر اپنے دفاتر کھولنے کا فیصلہ کیا ہے۔تفصیلات کے مطابق ایم کیوایم یونٹ اور سیکٹر آفسز مسمارہونے کے بعد ایم کیو ایم پاکستان نے کراچی میں ایک بارپھر اپنے دفاتر کھولنے کا فیصلہ کرلیا ہے۔متحدہ قومی موومنٹ شہر کے مختلف علاقوں میں کرائے پردفاترحاصل کرے گی جب کہ کرائے کے دفاتر میں اراکین قومی اور صوبائی اسمبلی عوام کے مسائل سنیں گے اور دفاتر کا کرایہ ایم کیوایم کے منتخب نمائندے ادا کریں گے۔