نتھیا گلی (این این آئی) پاکستان تحریک انصاف کے چیئرمین عمران خان نے پروٹوکول کے بغیر نتھیا گلی کی سڑک پر واک کی ٗ وہ کافی دیر تک کسی گارڈ کے بغیر واک کرتے رہے۔ان کے ساتھ پارٹی کا کوئی نمایاں رہنما بھی نہ تھاالبتہ عوام اور طلبہ کی بڑی تعداد ان کے ساتھ واک میں شریک ہوئی۔اطلاعات کے مطابق پیر کو عمران خان کو دیکھ کر سکولوں کے طلبہ کی بڑی تعداد بھی ان کے ساتھ واک میں شریک ہوگئی ۔ان طلبہ نے عمران خان کے ساتھ سلفیاں بنوائیں اور ان کے حق میں نعرے لگائے۔بعدازاں شہریوں کی بڑی تعداد بھی ان کو دیکھ کر ان کے ساتھ واک میں شریک ہو گئی۔