کراچی( آن لائن )اسٹیٹ بینک نے اس سال عیدالاضحیٰ پرایک سواکسٹھ ارب روپے مالیت کے نئے کرنسی نوٹ جاری کیئے۔اسٹیٹ بینک کے مطابق نئے کرنسی نوٹوں کی بڑھتی طلب پورا کرنے کیلئے عوام سمیت کئی اسٹیک ہولڈرز کوتفصیلی انتظامات میں شامل رکھا گیاتھا۔اِس سال مجموعی طور پر ایک سو اکسٹھ ارب روپے کے نئے کرنسی نوٹ جاری کئے گئے جبکہ گذشتہ عیدالاضحی پر ایک سو سولہ ارب روپے کے نئے نوٹ جاری کئے گئے تھے۔رواں سال جاری کئے گئے نئے نوٹوں میں سو روپے والے نوٹوں کی مجموعی مالیت تقریباً بیس ارب جبکہ دیگر نوٹس کی مالیت ایک سو اکتالیس ارب ہے۔