اسلام آباد( آن لائن )محکمہ موسمیا ت کا کہنا ہے کہ آئندہ2 روز کے دوران ملک کے بالائی علاقوں اور شمال مشرقی بلوچستان میں کہیں کہیں گردآلود/تیز ہواؤں/آندھی اور گرج چمک کے ساتھ بارش کی توقع ہے۔ ترجمان محکمہ ک موسمیات کے مطابق آئندہ 24گھنٹوں کے دوران اسلام آباد، بالائی پنجاب (راولپنڈی، گوجرانوالہ، سرگودھا، لاہور، فیصل آباد ڈویڑن)، خیبرپختونخوا (مالاکنڈ، ہزارہ، پشاور، مردان، کوہاٹ، بنوں، ڈی آئی خان ڈویڑن)، فاٹا، گلگت بلتستان اور کشمیر میں کہیں کہیں جبکہ شمال مشرقی بلوچستان(کوئٹہ، ڑوب، سبی ڈویڑن) میں بعض مقامات پر گردآلود/تیز ہواؤں/آندھی اور گرج چمک کے ساتھ بارش کا امکان ہے۔تاہم ملک کے دیگر علاقوں میں موسم گرم اور مرطوب رہے گا۔ان کا کہناتھا کہ آئندہ 48گھنٹوں کے دوران اسلام آباد، بالائی پنجاب (راولپنڈی، گوجرانوالہ، سرگودھا، لاہور، فیصل آباد ڈویڑن)، خیبرپختونخوا (مالاکنڈ، ہزارہ، پشاور، مردان، کوہاٹ، بنوں، ڈی آئی خان ڈویڑن)، فاٹا، گلگت بلتستان اور کشمیر میں کہیں کہیں جبکہ شمال مشرقی بلوچستان(کوئٹہ، ڑوب، سبی ڈویڑن) میں بعض مقامات پر گردآلود/تیز ہواؤں/آندھی اور گرج چمک کے ساتھ بارش کی توقع ہے تاہم ملک کے دیگر علاقوں میں موسم گرم اور مرطوب رہے گا۔
رقیہ محمود کا مزید کہنا تھا کہ گزشتہ 24گھنٹوں کے دوران ملک کے بیشتر علاقوں میں موسم گرم اور مرطوب رہا تاہم راولپنڈی ڈویڑن، اسلام آباد، کشمیر میں کہیں کہیں جبکہ مالاکنڈ، پشاور، کوہاٹ، گوجرانوالہ، سرگودھا ڈویڑن اور بالائی فاٹا میں چند مقامات پر گردآلود/تیز ہواؤں/آندھی اورگرج چمک کے ساتھ بارش ہوئی۔سب سے زیادہ بارش:کشمیر: کوٹلی51، مظفرآباد 19، راولاکوٹ14، گڑھی دوپٹہ08، خیبر پختونخوا: کوہاٹ48، مالم جبہ05، چراٹ03، فاٹا: پارہ چنار 04، پنجاب: جہلم 48، راولپنڈی (چکلالہ14، شمس آباد02)، اسلام آباد (بوکرہ16، سیدپور09، زیروپوائنٹ03، گولڑہ02)، بھکر11، سیالکوٹ(ائیرپورٹ09، سٹی01)، مری05، میانوالی03، چکوال02، منگلہ، گجرات، نورپورتھل، لیہ01 ملی میٹر ریکارڈ کی گئی۔گزشتہ روز ریکارڈ کیے گئے گرم ترین مقامات کے درجہ حرارت: دالبندین 42، نوکنڈی 41، نورپورتھل،بھکر 40 ڈگری جبکہ آج لاہور میں کم سے کم 24، اسلام آباد 20، کراچی 26،پشاور 23، کوئٹہ 17، گلگت 14، چترال 15اور ہنزہ میں 10ڈگری تک رہنے کا امکان ہے۔

موضوعات:محکمہ موسمیات