اسلام آباد(مانیٹرنگ ڈیسک) پاکستان تحریک انصاف نے حکومت کے خلاف احتساب تحریک کے  اگلے مرحلے میں رائے ونڈ کی جانب مارچ کرنے اورجلسہ کو کامیاب بنانے کے لئے نئی حکمت عملی تیار کر لی ہے ۔

تفصیلات کے مطابق پی ٹی آئی نے اس بار ٹیکنالوجی کا استعمال کرنے کا فیصلہ کرتے ہوئے ایس ایم ایس اور فون کالز کے ذریعے لوگوں کو مارچ میں شامل ہونے کی ترغیب دینے کا فیصلہ کیا ہے ۔ اس سلسلے میں 30 لاکھ ایس ایم ایس اور 50 لاکھ ٹیلی فون کالز کی جائیں گی۔ جس کے ذریعے تحریک انصاف کے کارکنان کو مارچ میں شریک ہونے کی ترغیب دی جائے گی۔