اسلام آباد(مانیٹرنگ ڈیسک) نجی ٹی وی پروگرام میں سینئر صحافی نے اہم انکشافات کر دیئے۔ نجی ٹی وی پروگرام میں سینئر صحافی نے کہا کہ ڈاکٹر طاہر القادری نے اپنی تقریر کے آخر میں ایک الٹی میٹم دینا تھا لیکن وہ عین وقت پر اسے تبدیل کر گئے۔ طاہر القادری کا آخری وقت میں کسی اہم شخصیت سے رابطہ ہو گیا اور انہوں نے عین وقت پر اپنی حکمت عملی تبدیل کر لی۔ سینئر صحافی صابر شاکر نے نجی ٹی وی پروگرام میں گفتگو کرتے ہوئے کہا کہ عمران خان اور طاہر القادری دونوں میں ایک بات مشترک دکھائی دے رہی ہے کہ دونوں رائے ونڈ (جاتی عمرہ) جائیں گے۔ صابر شاکر نے انکشاف کرتے ہوئے کہا کہ دونوں عید الاضحی کے بعد جاتی عمرہ جا کر میدان سجائیں گے۔ صابر شاکر نے کہا کہ جب میری طاہر القادری کے قریبی ساتھیوں سے بات ہوئی کہ حکمت عملی کیوں تبدیل گئی تو انہوں نے کہا کہ وہ مزید پریشر ڈالنا چاہتے ہیں اور انہیں اس سلسلے میں کوئی پیغام موصول ہوا ہے۔ طاہر القادری اور عمران خان عید کے بعد اپنا فائنل راؤنڈ کھیلنے والے ہیں۔

موضوعات:عمران خان اور طاہر القادری