اسلام آباد (مانیٹرنگ ڈیسک )محکمہ موسمیات نے کہا کہ راجستھان سے بارش برسانے والا نیا سسٹم کل پاکستان میں داخل ہوگا۔ پنجاب کے مختلف علاقوں میں مون سون بارشیں وقفے وقفے سے 3 سے 4 روز جاری رہیں گی۔محکمہ موسمیات کی تازہ ترین اطلاع کے مطابق ستمبر میں بارشوں کے مزید دو سے تین سلسلوں کی پیشگوئی کی۔اگست کے آخری ہفتہ میں بارشوں کا زور رہے گا،لاہور میں گزشتہ رات سے 90 ملی میٹر سے زائد بارش ہو چکی ہے۔ پنجاب سے بارش برسانے کا نظام خیبر پختونخوا بلوچستان اور سندھ تک پھیلے گا،محکمہ موسمیات نے خبردار کر دیا۔
لاہور سمیت پنجاب کے دیگر شہروں میں تین سے چار روز بارش ہو گی،بارشیں پنجاب میں وقفے وقفے سے برسیں گی پھر خیبر پختونخوا اور پنجاب میں بھی پھیل جائیں گی۔ کراچی میں عنقریب تیز بارش کا امکان نہیں لیکن آئندہ دو روز بعد ہلکی بوندیں کہیں ، کہیں برس سکتی ہیں۔کراچی میں 27 اور 28 اگست کو بعض علاقوں میں ہلکی بارش اور کہیں کہیں بوندا باندی کا امکان ہے ،کچھ علاقوں میں ہو گی کچھ میں نہیں ،کراچی میں فی الحال سمندری ہوا میں تعطل کا امکان نہیں۔محکمہ موسمیات کا کہنا ہے کہ ستمبر میں بارشوں کے 2 سے 3 سلسلے آئیں گے ، کراچی میں بھی برکھا کھل کے برسے گی۔
