اسلام آباد (نیوز ڈیسک)مصطفی کمال ایم کیو ایم میں واپس آ جائیں گے ۔ ان خیالات کا اظہار سینئر صحافی‘ کالم نگار اور مشہور اینکرپرسن جاوید چوہدری نے ایکسپریس نیوز سے بات چیت کرتے ہوئے کیا۔ انہوں نے کہا کہ 2013کے الیکشن کے بعد جب الطاف حسین نے اپنے سینئر قائدین کو کارکنوں سے تھپڑ مروائے تھے تو اس ساری صورتحال کے بعد فاروق ستار‘ مصطفی کمال‘ انیس قائم خانی‘ رضا ہارون سمیت دیگر کئی لوگوں نے یہ فیصلہ کیا تھا کہ اس پارٹی میں نہیں رہیں گے یا پھر ہم الطاف حسین کو پارٹی سے فارغ کریں گے۔ جاوید چوہدری نے مزید بتایا کہ مصطفی کمال کو باہر بھجوانے میں فاروق ستار کا اہم کردار تھا اور اگر اس وقت فاروق ستار ان کا ساتھ نہ دیتے تو ان کی جان کو بھی خطرہ تھا۔ فاروق ستار نے بہت محنت اور کوشش کے بعد مصطفی کمال کو باہر بھجوایا اور اس دوران یہ بھی طے پایا تھا کہ دونوں مل کر نئی پارٹی بنائیں گے ۔اس حقیقت کو ایم کیو ایم کے رہنما اور کارکنان تک جانتے ہیں بلکہ مصطفی کمال کی پارٹی ورکر بھی اس حقیقت سے آگاہ ہیں۔ جاوید چوہدری نے کہا کہ مصطفی کمال زیادہ دیر فاروق ستار سے دور نہیں رہ سکیں گے اور بالآخر فاروق ستار کے ساتھ مل جائیں گے اور ان کو باقاعدہ عزت دی جائے گی اور اگر مصطفی کمال یہ قدم نہیں اٹھاتے تو پھر اکیلے پارٹی چلانا ان کیلئے مشکل ہو جائے گا اور مصطفی کمال کی پارٹی ایم کیو ایم کو نہیں توڑ سکے گی۔‎

Javed Chaudhry is Telling the Inside Story of… by faizakhan_1122