ساہیوال(مانیٹرنگ ڈیسک )ضلع ساہیوال میں مون سون کی پہلی بارش کے دوران واپڈا میپکو کے 13ٹرانسفار مر جل گئے جس کی وجہ سے ان 13شہری اور دیہی آبادیوں میں بجلی کی سپلائی معطل ہو گئی اور یہ علاقے تاریکی میں ڈوب گئے اٹھارہ گھنٹے کے بعد 6شہری علاقوں میں بجلی کی سپلائی جزوی طور پر بحال کر دی گئی جبکہ 7دیہی علاقوں میں بجلی کی سپلائی ابھی تک بحال نہیں ہو سکی۔ تفصیلات کے مطابق پیر کی شام کو مون سون کی پہلی بارش ضلع ساہیوال میں ہوئی جس سے میپکو واپڈا کے 200 کے وی کے 4ٹرانسفار مر ،100کے وی کے 6ٹرانسفار مر اور 50کے وی کے 3ٹرانسفار مر جل گئے جس کے بعد یہ علاقے تاریکی میں ڈوب گئے جس کے وجہ سے سحری کے وقت ان علاقوں میں بجلی کی سپلائی نہ ہونے کے سبب شہریوں کو مشکلات کا سامنا کرنا پڑا ۔یہاںیہ امر قابل ذکر ہے کہ بارش سے قبل ہی واپڈا میپکو ساہیوال سٹی نے افطاری کے وقت آفیسر کالونی ساہیوال میں غیر اعلانیہ لوڈ شیڈنگ کی ۔