اسلام آباد (مانیٹرنگ ڈیسک)محکمہ موسمیات نے آئندہ 48 گھنٹوں کے دوران سندھ ، بلوچستان ، پنجاب ، خیبر پختونخواہ اور کشمیر میں کہیں کہیں آندھی، تیز ہواوں اور گرج چمک کے ساتھ مون سون بارشوں کی بارشوں کی پیشنگوئی کی ہے جبکہ آئندہ 24گھنٹوں کے دوران کراچی، حیدر آباد، میر پور خاص، شہید بینیظرآباد ،قلات، مکران ڈویڑن میں کہیں کہیں آندھی/ تیز ہواوں اور گرج چمک کے ساتھ بارش کا امکان ہے اسی طرح سکھر، لاڑکانہ، سبی، نصیرآباد ، بہاولپور، کوئٹہ ، ڑوب ، ہزارہ، پشاور، راولپنڈی، لاہور، سرگودھا، ڈی جی خان، ملتان، فیصل آباد ڈویڑن، اسلام آباد اور کشمیر میں بھی چند مقامات پرآندھی، تیز ہواوں اور گرج چمک کے ساتھ بارش کا امکان ہے۔
محکمہ موسمیات کی رپورٹ کے مطابق ملک کے دیگرعلاقوں میں موسم گرم اور خشک رہنے کا امکان ہے۔گزشتہ24گھنٹوں کے دوران ملک کے بیشتر علاقوں میں موسم گرم اور خشک رہا۔ تاہم گوجرانوالہ ، راولپنڈی ، مالاکنڈ ، ہزارہ، پشاور، کوھاٹ، اور قلات ڈویڑن اور کشمیر میں چند مقامات پر بارش ہوئی۔ سب سے زیادہ بارش بالاکوٹ میں 10 ملی میٹر، چراٹ 05، دیر، مالم جبہ03، منڈی بہاوالدین 12، مری 02، منگلہ 01، خصدار01 ، مٹھی09، راولاکوٹ 21 اور کوٹلی میں 04 ملی میٹر بارش ریکارڈ کی گئی۔