نوشہرہ کینٹ(آن لائن )افغان مہاجرین پر بڑی پابندی عائد،ڈپٹی کمشنر نوشہرہ افتخارعالم نے افغان مہاجرین کو شہری علاقے میں مخصوص اوقات کار مقررکرنے کے لیے ایک ماہ کے لیے ضلع بھر میں دفعہ 144نافذکرنے کا حکم نامہ جاری کردیا۔حکم نامہ کے مطابق ضلع بھر میں افغان مہاجرین صبح پانچ بجے سے رات آٹھ بج کر تیس منٹ کے درمیان اوقات کار میں داخل اور معاشی سرگرمیاں کرسکتے ہیں ۔ان اوقات کار کی خلاف ورزی پر PPC 188کے تحت پولیس کو کاروائی کرنے کا حکم دئے دیا۔ڈپٹی کمشنر نوشہرہ افتخارعالم کے مطابق افغان مہاجرین کی شہری علاقوں میں داخل و خارج ہونے کے اوقات کار مخصوص دھمکی کے بعد صوبائی حکومت کی منظوری کے بعد ضلع بھر میں جاری کیاگیاہے۔نوشہرہ ضلع بھر میں دفعہ 144نافذ24جون سے 24 جولائی 2016ء ؁ تک کارعمل ہوگا۔