کراچی (مانیٹرنگ ڈیسک) وزیر اعلیٰ سندھ سید قائم علی شاہ نے کہا ہے کہ بجلی تقسیم کرنے والے ادارے لوگوں سے اضافی بل لے رہے ہیں ۔ 5 روپے کا بل ہوتا ہے تو 500 روپے بل بھیج دیتے ہیں ۔ ہفتہ کو سندھ اسمبلی میں بجٹ پر اپنے اختتامی خطاب میں وزیر اعلیٰ سندھ نے کہا کہ اندرون سندھ بجلی کے نئے میٹر گجرات سے لا کر لگا دیئے گئے ہیں ۔ ان میٹرز کی رفتار جیٹ طیارے سے بھی زیادہ ہے ۔ ایک دو گھنٹے بجلی چلائیں تو کئی یونٹ گر جاتے ہیں ۔ اس پر اسپیکر آغا سراج درانی نے کہا کہ میرے گھر میں بجلی نہیں ہے ، اس کے باوجود 50 ہزار روپے کا بل بھیج دیا گیا ہے ۔