پشاور(آئی این پی ) پشاوراور گردو نواح میں زلزلے کے جھٹکے محسوس کیے گئے جن کی شدت ریکٹر سکیل پر 5.5ریکارڈ کی گئی ،لوگ خوف کے مارے گھروں سے باہر نکل آئے کسی جانی نقصان کی اطلا ع نہیں ملی۔تفصیلات کے مطابق جمعہ کو پشاوراور گردو نواح میں زلزلے کے جھٹکے محسوس کیے گئے۔زلزلہ پیما مرکز کے مطابق زلزلہ کی شدت ریکٹر سکیل پر 5.5ریکارڈ کی گئی ہے۔ افغانستان اور تاجکستان کا سرحدی علاقہ زلزلے کا مرکز تھا اور اس کی گہرائی 130کلو میٹر تھی۔زلزلے سے خوفزدہ ہو کر لوگ کلمہ طیبہ کا ورد کرتے ہوئے اپنے گھروں سے باہر نکل آئے۔‎