اسلام آباد(مانیٹرنگ ڈیسک) سٹیٹ بینک آف پاکستان نے نئے کرنسی نوٹوں کے حصول کیلئے ایس ایم ایس کی سہولت متعارف کرادی ہے۔میڈیا رپورٹس کے مطابق سٹیٹ بینک نے عوامی سہولت کے پیش نظر عیدالفطر کے موقع پر نئے کرنسی نوٹوں کے حصول کیلئے ایس ایم ایس کی سہولت فراہم کردی ہے۔ سٹیٹ بینک کا کہنا ہے کہ رمضان المبارک میں 116 شہروں کے بینکوں کی 500 ای برانچوں میں یہ سہولت فراہم کی جائے گی جس سے خواہشمند صارف اپنے قومی شناختی کارڈ کا نمبراور برانچ آئی ڈی لکھ کر 8877 پر ایس ایم ایس کرے گا جس کے چارجز 2 روپے ہونگے۔ ایس ایم ایس کے جواب میں صارف کو نئے کرنسی نوٹوں کے حوالے سے تمام تفصیل فراہم کردی جائے گی جس میں اس کے حصول کا دورانیہ بھی لکھا جائے گا۔