اسلام آباد (این این آئی)وفاقی وزیر برائے پانی ونجلی خواجہ محمدآصف نے کہا ہے کہ ماہ رمضان میں سحر اور افطار کے اوقات میں لوڈ شیڈنگ نہیں کی جائے گی۔ ایک انٹرویو میں نھوں نے کہا کہ ملک میں شدید گرمی کے باوجود غیر اعلانیہ لورڈ شیڈنگ کہیں نہیں کی جارہی۔ انھوں نے کہا ہے کہ ملک بھر میں ماہ رمضان کے دوران سحر اور افطار کے اوقات میں لوڈ شیڈنگ نہیں کی جائے گی۔انھوں نے کہا کہ ملک میں بجلی کا شارٹ فال کم ہوکر 4 ہزار واٹس تک پہنچ گیا ہے۔ انھوں نے کہا کہ حکومت نے چند مہنگی بجلی پیدا کرنے والے بجلی گھربند کر دیئے تھے تاہم اگر رمضان المبارک میں بجلی کی طلب بڑھی تو ان بند بجلی گھروں کو بھی فعال کر دیا جائے گا۔وفاقی وزیر نے کہا کہ صوبہ خیبر پختونخوا میں سینکڑوں فیڈر ایسے ہیں جہاں لوڈ شیڈنگ بالکل نہیں کی جا رہی ہے۔