اسلام آباد (این این آئی)محکمہ موسمیات نے ہزارہ ، راولپنڈی، گوجرانوالہ ڈویڑن اور کشمیر میں بعض مقامات پر گردآلود ہواؤں اور گرج چمک کے ساتھ بارش متوقع ہے ۔ محکمہ موسمیات کے مطابق ملک کے وسطی اور جنوبی میدانی علاقے سب سے پہلے شدید گرمی کے زیر اثر آئیں گے۔ ان علاقوں میں ساہیوال، ڈیرہ غازی خان، ملتان، بہاولپور، ڈیرہ اسماعیل خان، بنوں، سکھر، لاڑکانہ، شہید بینظیر آباد، حیدر آباد، سبی اور نصیر آباد ڈویژن شامل ہیں۔ جمعرات کے دوران راولپنڈی، گوجرانوالہ، لاہور، فیصل آباد، سرگودھا، کوہاٹ اور پشاور ڈویژن میں موسم گرم اور مرطوب رہنے کی توقع ہے ٗ آئندہ 24 گھنٹوں کے دوران ملک کے بیشتر علاقوں میں موسم شدید گرم اور مرطوب رہے گا ۔ پنجاب کے میدانی علاقوں، وسطی اور جنوبی خیبرپختونخوا، بالائی سندھ، سبی اور مکران ڈویژن شدید گرمی کی لپیٹ میں رہیں گے تاہم شام اور رات کو کشمیر، ہزارہ ، راولپنڈی، گوجرانوالہ ڈویژن اور اسلام آباد میں چند مقامات پر تیز گردآلود ہوائیں چلنے اور گرج چمک کے ساتھ بارش کا امکان ہے ٗ آئندہ 24 گھنٹوں کے دوران اسلام آباد 42، لاہور 46، کراچی 39، پشاور 43 ، کوئٹہ 37، گلگت 31، چترال 35 ، ہنزہ 26 ، مظفرآباد 39، مری 29، سکردو 31، فیصل آباد 45، ملتان 45 ، حیدرآباد 46، دیر 36 اور قلات میں درجہ حرارت 31 ڈگری سینٹی گریڈ رہنے کا امکان ہے ٗآئندہ 24 گھنٹوں کے دوران اسلام آباد 42، لاہور 46، کراچی 39، پشاور 43 ، کوئٹہ 37، گلگت 31، چترال 35 ، ہنزہ 26 ، مظفرآباد 39، مری 29، سکردو 31، فیصل آباد 45، ملتان 45 ، حیدرآباد 46، دیر 36 اور قلات میں درجہ حرارت 31 ڈگری سینٹی گریڈ رہنے کا امکان ہے ۔