کراچی(این این آئی)وزیر اعلی سندھ ایک بار پھر بھول گئے ، سڑکوں کی مرمت کی رقم کا تذکرہ کرتے ہوئے بلین سے ملین اور کروڑوں کے چکر میں الجھے رہے اور بات واضح نہ ہو سکی ۔ لڑکھڑانا یا زبان کا پھسلنا سندھ کے وزیر اعلی قائم علی شاہ کے لئے جیسے لازم و ملزوم ہو گیا ہے ۔ وزیر اعلی ہوں اور بھولیں نہ یہ ممکن نہیں ۔پیر کو ایک بار پھر کراچی میں پل کے افتتاح کے بعد میڈیا سے بات کرتے ہوئے بلین سے ملین اور کروڑوں کے چکر میں الجھے رہے ۔ کبھی کہا 2 بلین ، کبھی 2 ملین اور کبھی 20 کروڑ سے 22 کروڑ کر دیئے ۔