اسلام آباد ( این این آئی) وفاقی حکومت نے رمضان المبارک کے دوران سرکاری ملازمین کے کام کے اوقات کار میں کمی کا اعلان کر دیا ۔حکومت کی جانب سے رمضان المبارک کے اوقات کار کا اعلان کردیا گیا ہے جس کے مطابق کراچی میں سرکاری ادارے پیرسے جمعرات صبح 8سے 2بجے تک کھلیں گے جبکہ جمعے کو صبح آٹھ سے دوپہر 12بجے تک دفاترمیں کام کیا جائے گا۔ بلوچستان کے سرکاری دفاتر میں اوقات کار8:30سے دن 2بجے تک ہونگے جبکہ عدالتوں کے اوقات کار صبح 8:30سے ڈیڑھ بجے تک ہوں گے۔وہ سرکاری دفاترجو ہفتے میں پانچ دن کام کرتے ہیں ان کے اوقات کار صبح 8:30سے ایک بجے تک ہونگے۔ رمضان المبارک کے لئے بینکوں کے اوقات کاربھی تبدیل کئے گئے ہیں، بینک پیرسے جمعرات تک صبح 8سے دوپہر 2بجے تک کھلیں گے جب کہ جمعہ کو بینک صبح 8بجے سے ساڑھے 12بجے تک کام کریں گے۔