لاہور( آن لائن) سابق گور نر پنجاب چوہدری محمدسرور نے کہا ہے کہ تحر یک انصاف کا ہدف پارلیمنٹ یا جمہو ریت نہیں ملک سے کر پشن کا خاتمہ ہے ‘کر پشن کے خاتمے کیلئے سٹر کوں پر آنا کوئی جرم نہیں ہوگا ‘ پوری قوم کی نظر یں پارلیمانی کمیٹی پر لگیں ہیں پارلیمانی کمیٹی میں حکومت جتنی جلد ی ٹی او آرز کا مسئلہ حل کر یگی انکے لیے بہتر ہوگا ‘(ن) لیگ کی حکومت کو آئندہ بجٹ میں غر یبوں کیلئے ’’ٹیکس کا طوفان ‘‘لانا مہنگا پڑ یگا تحر یک انصاف حکومت کی عوام دشمن پا لیسوں کیخلاف پارلیمنٹ سمیت ہر فورم پر شدید احتجاج کر یگی‘حکومت کے اپنے لوگ ہی انتشار اور فساد کی سیاست کو ہوا دے رہے ہیں جسکے خطرناک نتائج نکلیں گے ۔ اتوار کے روز اپنی رہا ئش گاہ پر تحر یک انصاف علماء ونگ کے قاری افضل کی سر بر اہی میں ملاقات کرنیوالے دفد سے خطاب کرتے ہوئے سابق گور نر پنجاب چوہدری محمدسرور نے کہا ہے کہ(ن) لیگ کے اپنے لوگ ملک میں انتشار کی سیاست کر کے سیاسی ماحول کو خراب کر رہے ہیں اور ایسے لوگ ہی حکومت کے اپنے دشمن ہیں ۔ انہوں نے کہا کہ عمران خان قوم کے سامنے ہمیشہ سچی بات کرتے ہیں مگر حکمرانوں کو جھوٹ بول کر قوم کوبے وقوف بنانے کے سواکچھ نہیں آتا ۔ انہوں نے کہا کہ تحر یک انصاف نے ملک میں ہمیشہ جمہو ریت کی بات کی ہے مگر جب حکمران خود کر پشن اور لوٹ مار کر یں گے تو حکمرانوں سے زیادہ جمہو ریت کا دشمن اور کون ہوگا ؟تحر یک انصاف کی جد وجہد کا ہدف ملک میں جمہو ریت یا پارلیمنٹ کا خاتمہ نہیں بلکہ ملک سے کر پشن ‘لوڈشیڈ نگ ‘مہنگائی ‘بے روزگاری کا خاتمہ اور ملک کی ترقی اور خوشحالی ہے ۔ انہوں نے کہا کہ پوری قوم کی نظر یں پارلیمانی کمیٹی پر لگی ہیں اس لیے حکومت کو ایک با ت سمجھ لینی چاہیے کہ وہ جتنی جلد ی ٹی اوآرز کا مسئلہ حل کر یگی یہ حکومت کیلئے اتنا ہی بہتر ہوگا ۔