کراچی(این این آئی) آصف علی زرداری پھر حرکت میں ،سیاسی میدان میں ہلچل،اہم رہنماؤں نے ’’سفر‘‘کی تیاریاں شروع کردیں،پاکستان پیپلزپارٹی پارلیمنٹیرینز کے صدر آصف علی زرداری نے پارٹی رہنماؤں کو دبئی طلب کرلیاہے،اگلے ہفتے اہم پارٹی رہنما ملکی سیاسی صورتحال اور پارٹی معاملات پر مشاورت اور آصف زرداری سے ملاقات کے لیئے دبئی پہنچیں گے ۔تفصیلات کے مطابق سابق صدر آصف علی زرداری کافی دنوں بعدہفتہ کو لندن سے دبئی پہنچے ،پیپلزپارٹی کے ذرائع کا کہنا ہے کہ صابق صدر اس مرتبہ دبئی میں طویل قیام کریں گے اور دبئی میں بیٹھ کر ملکی سیاسی صورتحال ، پارٹی امور اور صوبائی حکومت کی کارکردگی کو مانیٹر کریں گے۔ سابق صدر سے ملاقات کے لیئے پارٹی کے اہم رہنما اور صوبائی وزرا اگلے ہفتے سے دبئی پہنچنا شروع ہوں گے ذرائع کا کہنا ہے سابق صدر سے ملاقات کرنے والوں میں وزیر اعلی سندھ سید قائم علی شاہ، قومی اسمبلی میں اپوزیشن لیڈرسید خورشید شاہ،سابق وزرائے اعظم راجہ پرویز اشرف ،سیدیوسف رضا گیلانی اور دیگر شامل ہیں۔ زرائع کا یہ بھی کہنا ہے پارٹی کی تنظیم نو سے متعلق اب تک کیے جانے والے اقدامات سے سابق صدر کو آگاہ کیا جائے گا اور پانامہ لیکس کے بعد پیدا ہونے والی سیاسی صورتحال سے متعلق پارٹی پالیسی پر تفصیلی غور و خوص کیا جائے گا ۔