سکھر (نیوزڈیسک) پاک سرزمین پارٹی کے سربراہ مصطفیٰ کمال نے کہا ہے کہ ایم کیو ایم کے قائد اور ان کے چند رفقاء 22 سال سے ”را“ سے فنڈنگ لے رہے ہیں قائد ایم کیو ایم نے ”را“ کے ساتھ سودا کر لیا ہے ”را“ نے جنگ لڑے بغیر کراچی کو مفلوج کر دیا ہے ہم نے قائد ایم کیو ایم کے ساتھ وقت گزارا ہے اندر باہر سب کا پتہ ہے ہم صرف کراچی کی بات نہیں کرتے ہیں بلکہ پورے پاکستان کی بات کرتے ہیں اللہ تعالی لوگوں کے دلوں میں ہمارے پیغام ڈال رہے ہیں ۔ ان خیالات کا اظہار انہوں پیر کے روز خیرپور روانگی سے قبل سکھر میں میڈیا سے گفتگو کرتے ہوئے کیا انہوں نے کہا کہ ایم کیو ایم کے قائد ”را“ کا ایجنٹ ہے جو اپنے چند ساتھیوں کے ساتھ مل کر 22 سال سے ”را“ سے فنڈنگ لے رہے ہیں کراچی پاکستان کا شہ رگ ہے جو ”را“ کے ایجنٹ کے قبضے میں ہے قائد ایم کیو ایم نے شہر کراچی میں بدامنی پھیلانے کے لئے ”را“ سے سودا کر لیا ہے وہ کبھی نہیں چاہتے کہ کراچی میں امن ہو اگر ایسا ہوا تو ان کی ”را“ سے ملنے والی تنخواہ بند ہو جائے گی ہمیں اندر باہر سب چیزوں کا پتہ ہے کیونکہ ہم نے قائد ایم کیو ایم کے ساتھ وقت گزارا ہے ہم ملک دشمن لوگوں کے ایکسرے اچھی رح جانتے ہیں انہوں نے جس کینسر میں سادے لوگوں کو مبتلا کر دیا ہے اس سے متعلق سب جانتے ہیں جو لوگ وطن دشمنوں کے قبضے میں ہیں ہم ان کے لئے مسیحا بن کر آئے ہیں ۔ انہوں نے مزید کہا کہ مجھے گمراہ لوگوں سے زیادہ ہمدردی ہے جن لوگوں نے ہمارے اوپر پتھراﺅ کئے انہیں ایم کیو ایم نے گمراہ کیا ہوا ہے ہم محبت کا پیغام لے کر آئے ہیں اللہ تعالی لوگوں کے دلوں میں ہمارا پیغام ڈال رہے ہیں ہم ان بچوں کے مستقل بچانے آئے ہیں جو پتھر اٹھائے ہوئے ہیں ہم صرف کراچی کی بات نہیں کرتے بلکہ پاکستان کی بات کرتے ہیں ہمارا مقصد لوگوں کو آگائی بھی دینا ہے حق بات کو پہنچانا ہے ہم نے پتھراﺅ کرنے والے کے خلاف کوئی مقدمہ درج نہیں کروایا میں نے اپنے ساتھیوں سے کہا ہے کہ ہم پیار باٹنے والے ہیں ہمیں ان لوگوں سے کوئی لڑائی نہیں لڑنی ہے انشاءاللہ واپسی پر سچل سرمست کی درگاہ پر جائیں گے ۔