لاہور(نیوزڈیسک) کاہنہ سے تعلق رکھنے والی14سالہ لڑکی سے ڈی ایس پی کی زیادتی پر معطل ڈی ایس پی کو14روزہ جوڈیشل ریمانڈ پر جیل بھیج دیا گیا۔ ذرائع کے مطابق ڈی ایس پی عمران بابر جمیل نے کاہنہ سے تعلق رکھنے والی14سالہ لڑکی کو کرایے پر لے گئے فلیٹ پر لے جاکر بے آبرو کردیا۔ پولیس نے ملزم کو گرفتار کرکے14روزہ جوڈیشل ریمانڈ پر جیل بھجوادیا۔ لاہور میں لڑکی سے ہونے والی زیادتی کے واقعے کی تفتیش ٹیم نے شواہد اکٹھے کرلیے۔ متاثرہ بچی کا بند کمرے میں بیان لیا گیا جس پر متاثرہ لڑکی کے والدین نے احاطہ عدالت میں احتجاج کرتے ہوئے کہا کہ متاثرہ لڑکی کا ان کے سامنے بیان لیا جائے متاثرہ بچی کے والدین نے وزیراعلیٰ پنجاب سے واقعہ کا نوٹس لینے کی اپیل کی ہے۔