اسلام آباد (نیوز ڈیسک ) ذرائع کا کہنا ہے کہ چیف جسٹس انور ظہیر جمالی ترکی کی آئینی عدالت کی سالانہ تقریبات میں شرکت کے لئے کل صبح اسلام آباد ایئر پورٹ سے روانہ ہونگے، چیف جسٹس آف پاکستان کی عدم موجودگی میں سینئر جج جسٹس ثاقب نثار قائم مقام کی ذمہ داریاں سر انجام دیں گے۔ذرائع کا کہنا ہے کہ چیف جسٹس انور ظہیر جمالی کی ترکی سے واپسی یکم مئی کو ہو گی، اس دوران حکومت کی جانب سے پاناما معاملہ کی تحقیقات کے سلسلے میں خط لکھا گیا تو انکی واپسی تک خط پر جوڈیشل کمیشن کی تشکیل کا معاملہ زیر التواء رہے گا۔