اسلام آباد (نیوز ڈیسک)وفاقی وزیرخزانہ اسحاق ڈارنے کہاہے کہ پانامہ لیکس پرتحقیقات کے لئے ایک دوروزمیں کمیشن بن جائیگا،آرمی چیف کااقدام قابل تحسین ہے ،فوج اورعدلیہ میں احتساب کانظام موجودہے امانت میں خیانت کرنے والے کومعافی نہیں ملنی چاہئے،وزیراعظم اوران کی اہلیہ کانام پانامہ لیکس میں شامل نہیں ہے ،ان کے بچوں کانام ہے وہ کمیشن کے سامنے پیش ہوں گے ۔نجی ٹی وی کودیئے گئے انٹرویومیں اسحاق ڈارنے کہاکہ آرمی چیف جنرل راحیل شریف نے کرپشن کے خلاف جوقدم اٹھایاوہ قابل تعریف ہے ،اوروہ اس اقدام پرمبارکبادکے مستحق ہیں ،فوج اورعدلیہ میں احتساب کانظام موجودہے اوراس کے تحت احتساب ہوتاہے ۔انہوں نے کہاکہ احتساب پرکسی کوبھی اعتراض نہیں امانت میں جوبھی خیانت کرتاہے وہ کسی معافی کامستحق نہیں تاہم احتساب کے نام پرسیاست نہیں ہونی چاہئے ۔انہوں نے کہاکہ وزیراعظم نے اپنے خطاب میں کمیشن بنانے کااعلان کیاتھااس کے اگلے ہی روزاس پرکام شروع کردیاگیاتھا،کمیشن کی سربراہی کیلئے ناصرالملک ،ساحرعلی اوردیگرججوں سے رابطہ کیاگیا،لیکن اپوزیشن کے غیرسنجیدہ بیانات پرججوں نے معذرت کرلی ،ایک جج نے بڑی مشکل سے کمیشن کی سربراہی کیلئے حامی بھری اورایک ٹیم مانگی ہم نے ان کے لئے پینل مقررکردیاہے ،حکومت چاہتی ہے کہ کمیشن کاقیام اتفاق رائے سے ہواورایک دوروزمیں کمیشن بن جائیگا،وقت نہیں لگے گانوٹیفکیشن کیلئے ڈرافٹ تیارہے ۔انہوں نے کہاکہ خورشیدشاہ نے کہاکہ ایک بارچیف جسٹس کوخط لکھ دیں وزیراعظم کے اعلان کے بعدچیف جسٹس نے کہاتھاکہ یہ ان کاکام نہیں ہے ،اورہم نے ان کی رائے کااحترام کرتے ہوئے ان سے رابطہ نہیں کیا۔انہوں نے کہاکہ ملک کی ترقی کاپہیہ نہیں رکناچاہئے ،ملک کوآگے چلنے دیں سیاسی سطح پرکسی کوشکارنہیں بناناچاہئے ،ہم نے 33ماہ میں تمام منصوبوں میں شفافیت کویقینی بنایا۔انہوں نے کہاکہ وزیراعظم اوران کی اہلیہ کاکسی کمپنی میں نام نہیں ہے ان کے بچوں کانام ہے اوروہ کمیشن کے سامنے پیش ہوں گے۔