لاہور (نیوزڈیسک) پاکستان انجینئرنگ کونسل نے گریڈ19، 20اور 21کے افسران کو ہیلپ ڈیسک پر بیٹھنے کا پابند بنا دیا ۔کونسل کے چیئرمین جاوید قریشی کی ہدایت پر جاری نوٹیفکیشن کے مطابق فیصلے کے نتیجے میں ملک بھر کے انجینئرز اور کنٹریکٹرز کی مناسب معاونت کی جاسکے گی۔ انہوں نے کہا کہ افسران ائیر کنڈیشنڈ کمروں سے نکل کر ہیلپ ڈیسک پر بیٹھیں گے تو کام میں بہتری آئے گی۔ انہوں نے کہا کہ چیئرمین ہونے کے باوجود خود بھی ہیلپ ڈیسک میں بیٹھ رہا ہوں۔ میری کوشش ہے کہ لوگوں کے مسائل بروقت حل ہوں۔