مردان (نیوز ڈیسک ) مردان میں ایکسائز دفتر کے قریب خودکش دھماکہ کے نتیجے میں متعدد افراد زخمی ہوگئے زخمیوں میں بعض کی حالت نازک ہے جس کے باعث ہلاکتوں کا خدشہ ہے۔تفصیلات کے مطابق مردان میں ایکسائز دفتر کے قریب خودکش دھماکہ کے نتیجے میں متعدد افراد زخمی ہوگئے ,دھماکے کی آواز سنتے ہی جائے حادثہ پر موجود افراد میں بھگدڑ مچ گئی اور وہ اپنی جان بچانے کیلئے دیوانہ وار بھاگ کھڑے ہوئے دھماکے کے نتیجے میں متعدد افراد زخمی ہوگئے ۔ دھماکے کے بعد ریسکیو اور پولیس کی ٹیمیں جائے حادثہ پر پہنچ گئیں اور زخمیوں کو طبی امداد کیلئے ہسپتال منتقل کر دیا ۔ زخمیوں میں سے کچھ کی حالت تشویشناک بتائی جاتی ہے ۔ ذرائع کے مطابق خودکش حملہ آور نے ایکسائز دفتر میں داخل ہونے کی کوشش کی , اسے روکا گیا تو اس نے خود کو دھماکے سے اڑا لیا ,دھماکے کی شدت کے حوالے سے ذرائع نے بتایا کہ دھماکے میں استعمال ہونے والے بارودی مواد کے حوالے سے تحقیق کی جا رہی ہے کہ اس کی مقدار کتنی تھی , زخمی ہونے والوں میں ایکسائز کے اہلکار بھی شامل ہیں انہوں نے کہا کہ زخمی ہونے والوں میں کوئی خاتون شامل نہیں۔عینی شاہدین کے مطابق پہلے دہشتگردوں نے فائرنگ کی اور اس کے بعد جب لوگ گھبرا کر بھاگے تو اس کے بعد دھماکہ ہوگیا ڈائریکٹر ریسکیو 1122 حارث حبیب نے بتایا کہ دھماکے کے بعد دفتر کی کھڑکیوں کے شیشے ٹوٹ گئے ، دھماکہ کمپیوٹر سیکشن کے قریب ہوا جہاں سائلین کی بڑی تعداد موجود تھی ڈی پی او فیصل شہزاد کے مطابق خودکش بمبار ایکسائز آفس کے اندر جانا چاہتا تھا جسے باہر ہی روکا گیا تو اس نے خود کو دھماکے سے اڑالیا جس کے نتیجے میں 15 افراد زخمی ہوئے , حملہ آورنے 8 سے 10 کلوباروی مواد کی خودکش جیکٹ پہنی ہوئی تھی۔ ان کا کہنا تھا کہ حملے کے بعد جائے وقوعہ سے شواہد اکھٹے کرنا شروع کردیئے عینی شاہدین کے مطابق دھماکے سے قبل فائرنگ کی بھی آواز سنی گئی , علاقے کو گھیرے میں لے کارروائی کا آغاز کردیا گیا تاہم مال روڈ مردان کو بھی ٹریفک کے لیے بند کر دیا گیا ہے۔