لاہور ( نیوزڈیسک)وزیراعظم کی روانگی سے قبل اہم اجلاس ،کون کون شریک ہوا؟خاص ہدایات،جاتے جاتے اہم پیغام، وزیراعظم محمد نواز شریف اپنی اہلیہ کلثوم نواز کے ہمراہ ایک ہفتے کے نجی دورے پر لندن کے لئے روانہ ہو گئے، روانگی سے قبل وزیر اعظم کی صدارت غیر رسمی اجلاس بھی ہواجس میں پاناما لیکس سمیت ملکی سیاسی صورتحال اور دیگر اہم امور پر تبادلہ خیال کیا گیاجبکہ وزیر اعظم نواز شریف کا کہنا تھا کہ وہ علاج کے لئے لندن جا رہے ہیں، جبکہ چار پانچ روز میں واپس آ جائیں گے۔ تفصیلات کے مطابق وزیراعظم محمد نواز شریف اہلیہ کلثوم نواز اور اور اپنے اسٹاف کے ممبران کے ہمراہ خصوصی پرواز کے ذریعے لندن کے لئے روانہ ہو ئے ۔ وزیراعظم ایک ہفتے کے نجی دورے پر لندن جا رہے ہیں جہاں وہ اپنا طبی معائنہ کرائیں گے اور پھر وطن واپس آجائیں گے۔قبل ازیں وزیراعظم نوازشریف رائے ونڈ میں واقع اپنی رہائش گاہ جاتی امرا سے ہیلی کاپٹر کے ذریعے لاہور ایئرپورٹ پہنچے جہاں روانگی سے قبل وزیراعظم نواز شریف کی صدارت غیر رسمی اجلاس بھی ہوا۔ اجلاس میں وزیراعلی پنجاب شہبازشریف، وفاقی وزیر داخلہ چوہدری نثار علی خان، وفاقی وزیر خزانہ اسحاق ڈار سمیت دیگر رہنما شریک ہوئے۔ذرائع کے مطابق وزیراعظم کی صدارت میں ہونے والے غیررسمی اجلاس میں پاناما لیکس سمیت ملکی سیاسی صورتحال اور دیگر اہم امور پر تبادلہ خیال بھی کیا گیا۔ اس موقع پر وزیر اعظم نواز شریف نے ملک میں امن و امان کی صورتحال کے حوالے سے کڑی نظر رکھنے کا حکم دیا جبکہ انہوں نے سینئر وزراء ، پرنسپل سیکرٹری اور چیف سیکرٹری کو بھی خصوصی ہدایات دیں ۔ اولڈ ایئرپورٹ پر ڈاکٹرز نے وزیراعظم نواز شریف کا طبی معائنہ بھی کیا۔ وزیراعظم نوازشریف کا کہنا تھا کہ وہ علاج کے لئے لندن جا رہے ہیں، جبکہ چار پانچ روز میں وطن واپس پہنچیں گے۔ذرائع کا کہنا ہے کہ پاکستان تحریک انصاف کے چیئرمین عمران خان بھی آئندہ ایک دو روز میں لندن کیلئے روانہ ہوں گے جبکہ پیپلز پارٹی کے چیئرمین آصف علی زرداری پہلے ہی لندن میں موجود ہیں، اس کے علاوہ ایم کیو ایم کے قائد الطاف حسین بھی لندن میں ہی قیام پزیر ہیں تاہم ان کی وزیراعظم نوازشریف سے کوئی ملاقات متوقع نہیں ہے۔