کراچی(این این آئی)کراچی، انسداد دہشت گردی کی عدالت نے ایم کیو ایم کے رہنما قمر منصور کے بھائی مسعودصدیقی کو 90 روزکیلئے رینجرز کے حوالے کر دیا ہے۔جمعہ کو سخت سیکورٹی میں مسعود صدیقی کو انسداددہشت گردی کی عدالت میں پیش کیا گیا۔رینجرز کے وکیل نے عدالت کو بتایا کہ ملزم نے دوران تفتیش بھارت سے دہشت گردی کی تربیت حاصل کرنے کا اعتراف کیا ہے جبکہ12 افراد کی ٹارگٹ کلنگ اور بھتہ خوری کے واقعات میں بھی ملوث رہا ہے۔رینجرز کے وکیل نے عدالت کو بتایا کہ ملزم مقصود صدیقی مختلف مقدمات میں پولیس کو بھی مطلوب تھا جس پر عدالت نیملزم کو 90 روزکیلئے رینجرز کی تحویل میں دے دیا۔