اسلام آباد(نیوزڈیسک)پاناما لیکس کا معاملہ چلا تو وزیراعظم نے قوم سے ذاتی خطاب کیا جس پر اپوزیشن جماعتوں نے خوب شور مچایا۔ عمران خان نے تو پی ٹی وی پر اپنے خطاب کیلئے مراسلہ لکھا تو اپوزیشن رہنماو¿ں نے ان کے مطالبے کی پرزور حمایت کی۔ قائد حزب اختلاف خورشید شاہ نے کہا کہ پی ٹی وی پر اپوزیشن رہنماو¿ں کی تقریر بھی براہ راست دکھائی جائے۔ عوامی مسلم لیگ کے سربراہ شیخ رشید کا کہنا تھا کہ پی ٹی وی ان کے ٹیکسوں سے چلتا ہے۔ عمران خان کو قوم سے خطاب کا موقع دیا جائے۔ تحریک انصاف کے ترجمان نعیم الحق کہتے ہیں کہ قومی ادارے قوم کی ملکیت ہیں اجازت ملنے پر عمران خان پی ٹی وی پر قومی اہمیت کے معاملات پر خطاب کریں گے۔ اپوزیشن نے عمران خان کو پی ٹی وی پر خطاب کی اجازت نہ ملنے کی صورت میں احتجاج کی دھمکی دی ہے۔