لاہور(نیوز ڈیسک)پاکستان عوامی تحریک کے سربراہ ڈاکٹر طاہر القادری نے وزیراعظم کے خطاب پرردعمل میں کہا ہے کہ یہی کچھ کہنا تھا تو اس کیلئے خطاب کی کیا ضرورت تھی وزیر اعظم نے قوم کا وقت ضائع کیا ۔ایکشن پلان پر عمل نہ کرنے والے اب مگر مچھ کے آنسو بہا رہے ہیں ،ڈاکٹر طاہر القادری نے کہا کہ دہشتگردی کے خاتمے کیلئے فوج اور رینجرز کو ہی آپریشن کرنا پڑے گا،دہشتگردوں کے ہمدرد حکمرانوں نے عوام کودہشتگردوں کے رحم و کرم پر چھوڑ رکھا ہے ۔دریں اثناء عوامی تحریک کے سیکرٹری جنرل خرم نواز گنڈا پورنے کہاکہ وزیر اعظم کا خطاب مایوس کن تھا ، آپریشن ضرب عضب کا فیصلہ اور پھر اعلان آرمی چیف نے کیا اور اب پنجاب میں بھی آپریشن کا آغاز اور اعلان فوج نے ہی کیا ہے ۔حکمرانوں کی ترجیحات میں صرف پُل اور سڑکیں بنانا ہے۔